Арбаг1/Среда, 21.11.2018, 21:30
Ассалам Г1алайкум Гость | RSS

САйт учителя аварского языка Аксират Ахмедовой

Сайталда руго:

Киналниги сайталда руго: 1
Гьобол: 1
Сайталъул г1ахьалчи: 0

Каталог файлов

Главная » Файлы » Аварский язык

Родной язык_урочный план 5 класс
20.02.2010, 15:34

 

                                                                                  Ц!адаса Х!амзат

 

 

                            «ГЬУДУЛЛЪИ ЛЪИЛГУН ККВЕЛЕБ?»

 

                                                          (1саг!ат)

 

Малъиялъул мурад: 1.Кеч1 пасих1го ц1ализе ругьун гьари.

                                      2.Т1ехь рух1ияб бечелъи бук1ин, ва гьелъулгун        

                                         гьудуллъи кквеялъул пайда ц1алдохъабазда   

                                         бич1ч1изаби.

                                      3.Х1амзатил г1акълуялда хадур гъезари, эпитетазул                            

                                         ва метафоразул к1вар рагьи.

 

 

 

                                                         Дарсил ин

 

   1. Хоралдаги кьералккунги, 2-3 ирга гьабун, ц1ализабила «Х1алт1ухъанасул г1умру».

   2. Ц1ияб тема байбихьила муг1алимасул баяналдасан. Ц1адаса Х1амзатил лъималазе хъвана г1емерал асарал, гьездасан цояб ккола аваразул г1акъилас ц1алдохъабазе хъвараб насих1ат-кеч1 «Гьудуллъи лъилгун кквелеб?» абураб.

Т1ехь ккола г1акълу-лъаялъул гъамас. Гьеб рагьизеги гьелдаса пайда босизеги лъарав чи вахуна г1елмуялъул борхалъуде.

Гьит1инго босараб г1елму-лъаялъул т1олабго хадусеб г1умруялъ кунч1и т1аг1унаро, сунаро.

Гьедилъидалин жиндирго г1исинал гьудулзабазе т1ехьалдаса кьуч1ав гьудул гьеч1олъи поэтас бич1ч1изабулеб бугеб.

   3. Цин цебе муг1алимас пасих1го ц1алила кеч1, т1алабиял глаголал-сказуемоязде    к1варги кьун.

   4. Хадуб муг1алимасда цадахъ киназго ц1алила текст, разияб х1алалда бажаризег1ан.

   5. Маг1на бич1ч1улареб раг1и, яги коч1ол мухъ бугищан ц1ехела. Батани, баян кьела.

   6. Ц1алулаго муг1лимас баян кьела эпитетазе ва метафоразе: квер г1ат1идаб т1ехь – квер г1ат1илъи- сахаватлъи, барахщич1ого жиндир бечелъи кьолеб абураб маг1на.

Т1охьол бечелъи – гьелда жаниб бугеб г1акълу-лъай. Гьебгиха кида бокьаниги кьолеб. Литератураялъулгун гьудулшлъи ккве – цох1о т1ехьалъулгун гуреб, т1олабго литератураялъулгун гьудуллъи кквезе малъулеб буго.

Гьоц1о т1олел т1анч1и – метафара. Найица т1ураб гьоц1о г1адин,дуе гьуинлъи-рохел кьолел асарал ц1ализе ккола.

Къалмил х1уччал –коч1ол мухъал; гьелги «гьекъон къеч хьоларел» - киг1ан ц1аланиги, ч1алг1унарел куч1дул ва харбал.

Бечедаб ярагъ – адабият. Художествияб раг1иги ярагъ ккола. Гьелъ куцала бах1арчиял рагъухъаби. Гьединлъидалин Расулил куч1дузул т1ехь космонавтаз космосалде цадахъ босараб.

Рак1цояб гьалмагъ – мун барщаниги, барщулареб, ццин бахъунареб, мунгун гаргадулеб жо ккола т1ехь.

Ч1ух1аб каву - ч1ух1араб къаву- гьебги ккола пасих1аб асар, къойил дуца ц1аланиги, ч1алг1унареб.

Т1огьол бахчаби – бат1и-бат1иял гьайбатал асарал жанир ругел библиотекаби. Киг1ан дуца пихъ (г1акълу) босаниги, т1аг1унареб.

«Г1елму- канлъи, жагьлу- бец1лъи». Гьеб кици хъвазабила лъималазда. Ч1ах1ахат1алъ хъван доскаялдаги базе бегьула гьеб.

   7. ц1алдохъабазда т1адкъала, гъалат1 биччач1ого, чвахун, бит1ун къиматалъе кеч1 ц1ализе х1адурлъизке. Гьелъие кьела 5-6 минут. Доскаялда хъван, ц1алдохъабазе баян гьабила: «5» къимат лъола, гъалат1 биччач1ого, 50 секундалде кеч1 ц1аларав ц1алдохъанасе, «4» - 55 секундалде ц1аларасе. Т1адехун аразе бук1уна «3» къимат.

    8. Х1адурлъаралд лъимал ц1ализе т1амула ва къиматал лъола.

    9. Рокъобе: пасих1го кеч1 ц1ализе лъазабизе.  

 


 

 

                                                  Агъада гьоркьохеб школалъул авар

                                              мац1алъул ва адабияталъул муг1алим                

                                                             Мух1амад Дибирмух!амадов.

                            

                    Дарсил анализ:   

 

 Скачано с сайта: http://agada.moy.su

Категория: Аварский язык | Добавил: weux
Просмотров: 2511 | Загрузок: 234 | Рейтинг: 3.5/2
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Балагьизе

Админ сайта © 2018