Воскресенье/Гьат1ан, 24.09.2017, 16:48
Ассалам Г1алайкум Гость | RSS

САйт учителя аварского языка Аксират Ахмедовой

Сайталда руго:

Киналниги сайталда руго: 1
Гьобол: 1
Сайталъул г1ахьалчи: 0
Block title

Каталог статей

Главная » Статьи » Мои статьи

Г1елму ва Г1акълу

Нилъер умумузул заманалда г1елму щвезе ккани г1езиг1ан къо бихьулеб бук1ана, язихъго, квач1акъ, къват1ир росулъе ун, цоял Шамалде ун, цогидал Ц1амле ун, балагьулеб бук1ана г1елму. Г1елмуялда цадахъ г1акълуги щолеб бук1ана. Г1елмуги г1акълуги цояб гьеч1ого цоялъул щибго мукаг1ат гьеч1еб, ай заралцин бук1ине бегьулел жал ккола.
Г1акълу гьеч1еб бак1алде г1елму бач1ани баллагь буго гьеб халкъалъе унго-унгояб.
Гьаб жакъа къоялде балагьараб мехалъ, халкъалъухъ буго г1елму. Гьеб бокьаралъуса щолеб буго, гьелда нахъ кирего инецин кколаро, гьаниб интернеталдаса щола кинабго. Киналго чиязда, хасго гьал "пацаназда" кколебги буго жив бищунго ц1одорав, бищунго динияв, бищунго жо лъалев вугин. Рак1алде ккунг1аги ч1олел щибани гьел, гьеб щва-щваралъуб гьулчизеги лъугьунел руго. Интернеталда киб-щиб хъваниги, ахирги гьеб буссуна динияб бах1салде. 15-17 сон барал нихьитал лъугьунел руго 40-70 сон барав чиясдехун, адаб тун гаргар гьабун "гьев диналде вуссинавизе". Гьал эбелалъул анч1ирокъорцин рук1инч1еб мехалдаго какги к1алги бук1арав херав чи, гьаз вуссинавизе гурищха кколев. Диналъул, рес бегьулаг1ан мехалъ, бокьа-бокьараз бицине лъик1аб бук1унаро. Имам Гъазалияс хъвалеб буго диналда т1асан бах1сал г1алимзабазе тейилан. Нилъг1адал жагьилзабаз бицине лъугьани гьелда т1асан хабар, дагьаб ургъич1ого абураб раг1иялъ, цо пуланав, хъвараб ц1алулесул рак1 диналдаса нахъе ц1азецин рес буго. Дида лъала гьединазул лъабго вагонгун бащдал.
Мисалалъе, те дун щибго динги лъаларев чи, дие гьеб лъазе х1ажалъани, нижер росулъ вуго гьеб г1елмуги г1акълуги цадахъ щварав Асх1абг1али Г1абдуллаев абулев вас. Дун мегеж хъах1ав чи вук1ана гьев гьавураб мехалъго, бук1аниги намуслъиларо лъалареб, ялъуни щаклъи ккараб суал бугони гьесда гьикъизе ине. Фейсбукалде гуро, вацапазде гуро, Асх1абг1алихъе ина. Дие интернеталда диналъул бицин х1ажат гьеч1о. Диналъул бицинег1оло, ялъуни ц1ализег1оло гуро дун интернеталдеги унев, уна гьенир ругел гьудул-гьалмагъзабазда к1алъазе вук1ине, х1алт1ун свакараб мехалда х1ухь бахъизе бук1ине, Бисавг1алиевасул макъалаби ц1ализе рук1ине, Бахугун даг1басдазе вук1ине, ва цогидал «лайкнут» гьаризе рук1ине.
Диналъул бах1сал бокьарав уна мажгиталде, имамасда аск1оре, будун-дибирасухъе, ялъуни г1алимчи Мух1амад Дибирмух1амадовасухъе (амма гьес ц1акъ хач1го абула, гьединлъидал гьесухъе рес бегьулаг1ан мехалъ унге).
Гьал "пацаназе" г1адин дие я реклама х1ажат гьеч1о, я гьал киниги гьеч1еб гьунар г1акълугун дун г1алимчи вугин ч1езе х1ажат гьеч1о.
Г1емераб бицани цого жо, халкъалда гьеб сурула. К1иго дибирс бицуна цого хабар, амма цояс бицараб ц1ик1к1ун бич1ула. Диниял бах1сал гьари, гьеб буго махщел х1ажатаб ищ. Гьанжесел "дибирзабазул" зитта гьунарги, махщелги гьелъие гьеч1о.
Уммумузул бук1арабги гьазие бегьуларо. Гьел хабалъ рукъараб куцги цин мекъаб бугин абизе нахъе рахъунарелги руго. ВАх1! Нужее бегьуларищ нужер умумул ккаралъуре ккезе?)) Гьезда аск1ове ккани дие г1унги т1асан араб бугоан. Амма гьезда аск1овени щиб гурин, г1орхъи-нухалде цин кколев тайпа гьеч1ого буго чара хун.
Умумулги мекъи рукъун ратани, къват1иреги рахъун ц1идасаго бит1ун рукъеха.
Чанги вук1уна г1урус чи, г1акълу бугес бицараб хабаралъ исламалдехун рак1 ц1арав. Амма гьал ишпанаязул г1акълу гьеч1еб хабаралъ рес буго гъосда ислам суризабизецин. Нужеца диниял бах1сал т1орит1иялда т1асан, унгоги зарал кколеб буго исламалъе. Нуж руго унго-унгоял исламалъул тушбаби.
Пал-х1асил, щиб бич1изе кколеб нужеда, «пацанал», гьалдалъун: Бах1сал, ваг1заби Асх1абг1алие те, нуж къалеб бак1алги къан, как-к1алги гьабун руц1ун ч1а!

Категория: Мои статьи | Добавил: weux (11.03.2016)
Просмотров: 130 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Балагьизе

Ахмедова Аксират © 2017