Рузман/Пятница, 24.11.2017, 13:45
Ассалам Г1алайкум Гость | RSS

САйт учителя аварского языка Аксират Ахмедовой

Сайталда руго:

Киналниги сайталда руго: 1
Гьобол: 1
Сайталъул г1ахьалчи: 0
Block title

Каталог статей

Главная » Статьи » Мои статьи

Чоноса Дурух1ма

Чоноса Дурух1ма

14 г1асруялда хъварал ругин экспертаз ч1езарулал кагътазул таржама гьабидал, гьениб буго Дурух1мал х1акъалъулъ хъван. 12 их бихьарав чи гьев К1к1уядерил Чоноб абураб колодаса г1олохъабаз цадахъ вачун вук1анила чанаве. Гьеб къоялде щвезег1ан Дурух1мал щибго къват1ибе загьирлъараб гьунар махщелги бук1инч1ила. Цогидал г1олилазухъаса бажарарабги бажарун сих1къот1ун ч1ун вук1унаанила.
Гьеб къоялъ рохьоре чан гьабизе араз бицарабин хъван буго: "Дурух1мада хъархъилъ сас раг1игун гьес хехгьабун кьвагьанила хъархъал ругеб рахъалъ туманк1. Кьвагьун хадуб гьесда бихьанила чан къинаб бук1ин. Векерун жинцаго кьвагьараб т1охьидул гулла ккунила гьас чанида щвелелде.
Боржизе зах1матаб жо буго. Гьедин тун бук1ана махсаро батилин. Хадурги "махх халатил ахада" археологаз х1алт1аби гьарулаго ратана росдал тарих хъварал т1анчал. Киг1ан заманалъ хвезарун т1огьиллъун ругониги щуго сонил къеркьей гьабуна гьезул таржама гьабизе. 
Гьадин хъвалеб буго гьениб : "Чоноса Дурух1ма, миччиталазул тухумалъул чи вук1ана. Жиндилъ векерун чи бажарич1ев, жинцаго кьвагьараб тунк1ил гуллаялда хадув г1унт1улев. Чоноб къулг1аялда ч1ун кьвагьараб гулла, Лахчайда колоде гъоркье щолеб свералилъ гьес векерун нахъ г1унт1ун жинцаго кколаанила."
Гьелго т1анчаздаса бич1ч1улеб буго, гьесул гьунаралъул хабар лъарал рач1унаанила К1к1уяде. Дурух1маца гьездаги бихьизабулаанила гьеб гьунар. Гьеб унгоги бихьанин жидеда абураб т1анчида руго 128 гъулбас бат1и-бат1ияб хат1алъ гьарурал. Г1араб, г1ажам, турказул ва цоги бат1и-бат1ияб мац1аздалъун.
Дурух1мал г1умруялъул бицунеб т1ехьалъул ахирияб т1анчида хъван буго, херлъиялъул кьер ч1варав гьесул, лъай-г1акълу валавитун бук1анила. Валавитун- в пух и прах (К1к1уядинский диалект, прим.автора).
Т1аде исиса рач1арал гьалбазда гьеб махщел бихьизабизеян рак1арараб бак1алда рук1араздасан лъарабилан хъван буго гьаниб, Дурух1маца туманк1ги кьвагьун кидагог1адин гьев анила гуллида хадув векерун. Лахчайдисезул свералида щолаго гьев гуллидаса цеве кканила ва лъалханила. Хадуб г1унт1араб гуллица гьесул бет1ерги борлъун кваран бадисан къват1ибе бач1араб карат1 бук1анила.
Гьав гуллида цевеги к1анц1ун лъалхиялъул маг1на гьадинаб бук1ун батизе кколин хъвалеб буго Ц1амласа Сурхайлав абулев чияс (Князь-инерал Сурхай абулеб бук1анила гьесда цоги пачалихъаздаса рач1арал гьалбаз.
"Дурух1ма гуллидаса цеве к1анц1ун лъалхиялъул маг1на буго, лъай-г1аклу валавитиналъ, гьесда векерулаго к1очон батизе рес буго, киве ва щиб гьабизе векерулев вук1аравали. Гьелъул х1исаб гьабулаго ватила гьев танхун ч1аравги". 
Гьеб цоги пикрабазда гъорлъ бищун бит1араблъун тезе бегьулеб пикру буго. Гьедин ккун батила гьеб.

Категория: Мои статьи | Добавил: weux (13.03.2016)
Просмотров: 107 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Балагьизе

Ахмедова Аксират © 2017