Хамиз/Четверг, 23.11.2017, 06:54
Ассалам Г1алайкум Гость | RSS

САйт учителя аварского языка Аксират Ахмедовой

Сайталда руго:

Киналниги сайталда руго: 1
Гьобол: 1
Сайталъул г1ахьалчи: 0
Block title

Каталог статей

Главная » Статьи » Мои статьи

Тушбаби

Тушбаби ралагьулев, дир гьудул Иван...

Совет союзалъул сесел гьабуна, цинги байбихьана Ваняца тушбаби ралагьизе. СССРалъул заманалда Иваница ах1улеб бук1ана пачалихълъул тушбан кинабго дунял бугин. Гьанже лъаг1алида жанир к1иго нухъалъ хисула тушбаби.
Цин Ваня ах1дана телевизоралдасан, радиоялдасан, газет-журналалдасан. Киса-кибего ах1и балеб бук1ана гьев дир гьалмагъасас : "Унго-унгоял тушбаби Россиялъул ругила "лица кавказской национальности" ,-ян. Путинил Ваняда боржунгут1изе г1илла дир гьеч1елъул, дунги х1адисалда киниги боржана гьелда. Лъабго ц1араки бугеб дирго колода къват1ивеги вахъун, дол цо Ванял лозунгал ах1изе лъугьана: "Россия для русских", "Понаехали тут чурки черножопые", "Хватит кормить Кавказ", ва гь.ц. Ч1ванкъот1ун бич1ч1улеб бук1ана халкъалда щал кколел тушбабияли.Россиялда лъица-щиб гьабурабги нусго нухалъ гьорозеги гьабун СМИяз бицунаан "какие негодяи эти лица кавказской национальности",-ян. Росдал бегавуласухъе дидасан г1арзалъ хьвадулел мадугьалзабиги рук1ана. Гьев гьезда боржилищха? Аллагьасул валиг1адав пакъирчияс дица мадугьалзабазе т1аг1ам хъвезабулеб бугин абураб жоялда...
Цо дагьаб заман ана, байбихьана цебелъ "братья славяне, давайте вместе мочить кавказцев" абулеб бук1араб Украинаялъул халкъгун. Хисана минуталда жаниб кинабго. Дол СМИяз "лица кавказской национальности" абураб раг1и т1ок1аб хъвач1о. Гьанже ккана "Бендоревцы, враги РФ", "Кавказцы, наши предки вместе воевали", "За единую Россию", "Дагестанцы красавчики", "Кадыров рулит" ва гь.ц.
Гьааа, гьанже бич1ч1анаха, нилъер тушбаби Кавказ бук1ун гьеч1о, Украина бук1ун буго. Гьанжеги плкаталгун дун къот1нове вахъана, амма гьанже лозунгал бат1иял рук1ана: "Крым наш", "Накормим Донбас" ва гь.ц.
Ана цо моц1...
ВАх1, балагьехъа гьанже дир гьудул Иваница Украина гурила тушбаби, гьел ругила гьадингоял марионеткаби, тушбаби ругила Америкаян ах1и бана. Гьелдаги боржана, вахъана къват1иве "Обама негодяй" т1ад хъварал лозунгалгун. Цо анкьалъ гурони теч1о гьедин тиризеги. Нахъойги ах1и буго Иванил, Обана гьудул вугила нилъер, тушбаби ИГИЛ бугила.
Гьанжеги Ваняца абулеб х1адислъунги ккун къват1иве вахъинин вук1ана...Лозунгал хъвазе кагъат лъуг1ун батана..
Кагъат балагьизе инин вук1индал, Ванял ах1и раг1ана, "Гьанже ИГИЛ гуро, Турция буго тушбаби",-ян ах1улеб...
Ана цоги анкь.. Иван ах1дола: "Туркал гуро тушбаби, Евреял ругоооооо!!!"-ян...
Т1адияб моц1алъ щивдай вук1ина тушбан???

Категория: Мои статьи | Добавил: weux (22.03.2016)
Просмотров: 96 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Балагьизе

Ахмедова Аксират © 2017