Хамиз/Четверг, 19.10.2017, 17:19
Ассалам Г1алайкум Гость | RSS

САйт учителя аварского языка Аксират Ахмедовой

Сайталда руго:

Киналниги сайталда руго: 1
Гьобол: 1
Сайталъул г1ахьалчи: 0
Block title

Каталог статей

Главная » Статьи » Мои статьи

Ч1ахъаги рищиял!!!

Жиндир баракат халкъалъе щвеч1они, заралг1аги ккогеяв, Ц1амла к1удияб мажгиталъул имам, Ц1амла-чабтиродул дибир, Х1утниса Шамилилги дирги даг1ба ккеялъул г1илла.

К1иго къо бана бусадаса вахъине к1веч1ого, цо тохлъукьего бач1араб г1ажаибаб унтуца г1одов лъун вук1ана. Бит1ахъе к1иябго къоялъ, мун щай къват1иве вахъун вихьуларев, кин-щиб вугев абун гьикъулев чиго ккеч1о. Квешезего г1адин вацапалъул бук1ана нахъса къот1ич1ого сасал. Щибдай буго абун ваккидал, ратула цояз гьарулеб авар мац1алъул программаби гьеч1ищила, жидехъе рит1ейила, хехго! Цогидаз хъвалеб буго рагьараб г1адатияб гуреб дарсил палан х1ажат бугила, гьабсаг1ат бит1ейила. Анц1гойгияз хъвалеб буго «второе дыхание родным языкам» абураб конкурсалде сочинение къвариг1ун бугила, жакъаси хъван бит1ейила… 
Гьебги добги бажарулеб чараялда вук1аравани дица цин диего хъваларианищ гьеб? Унтун вугеб мехалда г1адамасулги ццин хехлъулелъул, доб «удалить вацап» абураб конопка балагьулев вук1ана. Цоги сас бахъана вацапалъул. Бищун ахирисеб раг1и т1оцебеги абун, я хьандана, я семана. Ахирги щибдай къвариг1ун буго гьанжеги «къвач1а-Г1алие» абун рич1ана сообщение. Бугоха Шамилица хъвалеб: «Х1алае, кумекалъу х1ажатаб х1ал ккун бугин, хехго къват1иве вахъа, хабар дагьаб къокъ гьабун»,- абун. Мунагьал чураяв к1удиинсулго бук1араб г1анса кодоб ккуна, ункъиде рекълъулаго азбаралъуве лъугьана.
Азбар бакьулъ бухьараб доб Мах1ачхъалаялде-нахъе жибго х1инч1 кинииги боржинабураб ябучу буго т1аса кьилиго бахъич1еб. Х1утниве щвезе ниятги гьабун, ябучоде вахъана, хехаб сапар бухьана. Богоде какил г1ужда Шамилил рагьде щвана. Шамилан ах1ана, гьеч1о данде жаваб. Дирго унти к1очана, дагьаб ургъел ц1ик1к1ана. Щибдай кканаян жаниве лъугьана. Вугоха тахида ханг1адин диваналдаги вегун, г1урус ящик1алде балагьарав Шамилги, гьав ц1унун рак1арарал нихьитазул къокъаги. Мюридал рук1инарищха гьасул.
Ц1ех-рех гьабуна, ах1иялъул г1илла лъана.
Шамилил гьари буго, живги херлъун вугила, г1акълуги мукъсанлъун бугила, Х1утниса К1к1уяде щвезе сапарги г1ураб кколеб бугила, ваг1заби сабаблъун чанги чиясда квешаб берда вихьулевги вугила, бегьулеб батани, Ц1амла к1удияб мажгиталда цогидав имам тейилан.
Дица гьесие сордо рогьинег1ан бицине хабар теч1о, дудаса мустах1икъа щив вук1инев абун, амма кинго мук1урлъич1о Шамил.
Гьединлъидал, х1урматиял гьалмагъзаби, 12 апрелалда рук1ине руго рищиял, имам вищулев.
Гьенир г1ахьаллъизе бокьараз цереккунго гьерсил кагъат(план предвыборной компании) щвезабе дихъе. Конверталда жаниб г1иц1го кагъат гуреб, дагьал кепкалги ратани, нуж бергьинеги рес буго.
Щивав кандидатасул х1акъалъулъ нилъеца хадуб хъвала, кисес киг1ан бикъулеб, жамаг1аталъе киг1ан хут1улеб, ва чан пакъир-мискинасда бакъвараб «кукиш с маслом» лъаг1алида жаниб чан нухъалъ бихьизабизе бегебали. 
Унго-унгояб к1удияб камел кола гьев Х1утниса Шамилица ваг1заби тей. Босе лъарасе чанги ц1одораб г1акълуги бук1ана гьениб. Г1айиб гурищха, вац…

Категория: Мои статьи | Добавил: weux (24.03.2016)
Просмотров: 91 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Балагьизе

Ахмедова Аксират © 2017