Рузман/Пятница, 24.11.2017, 13:50
Ассалам Г1алайкум Гость | RSS

САйт учителя аварского языка Аксират Ахмедовой

Сайталда руго:

Киналниги сайталда руго: 1
Гьобол: 1
Сайталъул г1ахьалчи: 0
Block title

Каталог статей

Главная » Статьи » Мои статьи

Лагъасул г1умру

2016 соналъ Ват1ан бокьулезул данделъигун цадахъ Х1амимугъазда абулеб бак1алда гьаруна к1удиял росдал тарих лъазабиялъулал х1алт1аби. Нижеца ракьулъ жаниб бахчун бук1араб сиялъул хут1араб кьуч1 цебелъезабуна. Гьенир къадал ганч1азда ратана г1ажаибал хъвай-хъваг1аял. Балканазда рук1арал аварал абулеб халкъалъулал накъищал (иероглифы) таржама(перевод) гьабидал, нижеда батана гьадинаб хабар хъван цо ганч1ида.

Халкъияб маргьа.

Лагъасул г1умру.

Х1аким Х1акимович Х1акимов вук1ана жиндирго столалда нахъа г1одов ч1ун рах1аталда. Х1аким Х1акимовичасул вуго 100 рагьдател. Гьесие гьел 50 ругониги г1елаан, амма щаяли нусавго тун вуго, гьезие квен-т1ехалъе унеб г1арцулаги барахщинч1ого. Х1аким Х1акимовичасул х1акимлъиялда гъоркье уна чанги мактаб, гьенир рук1уна Х1аким Х1акимовичасе рагьдателлъи гьабизе ругьун гьарулел лъимал. К1удиял г1уралго гьез хисизе руго дов нусавго херлъарал рагьдателал. Рагьдателал хьихизеги кколелъул, Х1аким Х1акимовичасе х1ажалъана г1арац. Киса гьеб босилеб? Рагьдателазе камел гьабуни, гьез хъулухъ квешго гьабила. Гьеб босизе ккола дол мактабазда х1алт1улел, т1адеги рагьдателал г1езарулел муг1алимзабазул чантиниса. Гьез риччан тей гьел рук1инесел рагьдателал хащго ругьун гьаризе. Лагълъиялде ккедал жалго ругьанлъун рач1унин. 
Муг1алим вуго къваридго. Жиндирго т1анч1и хьихьизе шагьабиги г1олел гьеч1о, ине бак1ги гьеч1о. 
Х1укумат Х1укуматовичасул руго азарго лагъ. Киналго лагъзазда ц1арги буго Х1аким Х1акимович абун. Щивав Х1аким Х1акимовичасул нус-нус лагъ. К1иналго хьихьизе кколев, киназулго лагъ, цо муг1алимги. Х1укумат Х1укуматовичасде хабар щвана гьесул лагъ Х1аким Х1акимовичасдасан, гьесдеги жиндирго нусавго лагъасдасан, муг1алим ц1акъ разиго гьеч1ила гьеб кинабго халкъ хьихьизе ккеялдаса, живгоги вакъун хут1ун.
Х1укумат Х1укуматович ургъана, ва буюрухъ кьуна азаравго Х1аким Х1акимовичасде нужеца нужерго нусавго Лагъ Лагъовичасе буюрейила, гьадав киназулго лагъ муг1алим зигардизе рег1изе тогейилан. Гьедин гьабуна!
Бач1ана муг1алимасухъе анц1ила к1иго кагъат- къецал, рагьарал дарсал гьарейила, х1амил бут1рул рахъизе кьейила, сон Х1аким Х1акимович бакь унтун вук1ун вугила, нужеца гаргар (урок-лекция, беседа) гьабейила лъималазда гьелъул х1акъалъулъ бицун. Цинги анц1ила к1иябго кагъаталде жавабги кьейила, щибалъул къо-къо экземпляр, дол Лагъ Лагъовичазухъе. Гьез цинги жалго лъик1 рихьизе, балагье нижеца гьабураб х1алт1иян, Х1аким Х1акимовичасда х1елулаго цебе лъезе.
Нахисеб къоялъ бач1ана къого кагъат...
Нахисеб къоялъ нусго...
Муг1алимасул заман хут1ич1о, я жиндирго лъималазда аск1ов ч1езе, я кваназе, я х1ухьел ц1азе.
Муг1алим хвана...
Къвариг1ун вуго цоги муг1алим, лъик1го х1елизеги лъалев, г1емер зигардуларев киназулго лагъ...

____
Хут1аралги гьел ганч1азда ратарал хъвай-хъваг1аязул таржама гьабурабго гьелги лъела гьанир, Аллагьасул хъвай батаниха.

 
 
 
Категория: Мои статьи | Добавил: weux (19.04.2016)
Просмотров: 80 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Балагьизе

Ахмедова Аксират © 2017