Хамиз/Четверг, 19.10.2017, 17:21
Ассалам Г1алайкум Гость | RSS

САйт учителя аварского языка Аксират Ахмедовой

Сайталда руго:

Киналниги сайталда руго: 1
Гьобол: 1
Сайталъул г1ахьалчи: 0
Block title

Каталог статей

Главная » Статьи » Мои статьи

Ц1огьор

Ц1огьор кквей...

Тамирбутай цадахъ гьалмагъзабигун Шурагьиве унев вук1ун вуго. Доб заманалда гьанже г1адин щивасухъ машинаги бук1инч1ого, лъелго унел рук1ун руго. Рихьунире щвараб мехалда гьасда бихьун буго гьобо, ва гьелъул к1алт1а ч1арав чи. Тамирбутайица саламги кьун ах1ун буго гьесле, гъоб гьабихъ жаниб бугеб ноц1у бекараб щаг1ил бурбут1иги босун, г1урухъа лъелги ц1ун нухде т1аде вач1аян, къечон ругин.
Гьабихъе жанивеги ун, гьес абухъе гьабигьанги вач1ун вуго. Унгоги булбекараб щаг1ил бурбут1иги босун.
Лъимги гьекъон, гьабигьанасе баркалаги кьун, гьаз Шурагьире сапар бухьун буго.
Къвариг1елги т1убан нахъ руссун рач1унел гьазда, Рихьунире щведал батун буго жамаг1ат бак1арун.
Духъ балагьун ругин абун буго гьез гьасда. Жидер гьабигьанас бицанин мун балъголъи лъалев чи вугин. Жидер гьаниб ц1огь ккун бугин. Гьев ц1огьор щивали дуца бицинч1они к1иго тухумалда гьоркьоб к1удияб рагъ ккезе рес бугин.
Тамирбутайица абун буго жинда гьеб ц1огь ккараб рукъ бихьизабеян. Бихьизабун буго. Гьас абун буго гьеб бикъун бугин к1иго чияс. Цояв х1алакъав ва халатав, цогидав лъимер г1адав гьит1инав жо вук1ун вугин.
Г1ажаиблъанила рихьунисел, гьев ц1огьорасул гъалип кинаб бук1арабали бицеян ч1анила.
Тамирбутайица жаваб кьун буго лага-черх бугев, халатав, х1алакъав, бот1рода рас баг1арав чи вугин гьев.
Унгоги щаклъи ккун бук1аразул цояв гьас бицухъеяв вук1ун вуго, ва г1олохъабаз вачун вач1ун вуго. Балъголъаби лъалев чияс бицанин абидал, гьес жинцаго бицун буго живги васги ун бикъун бук1анин.
Рихьунисез баркалаги кьун, сайгъат-саламгун Тамирбутайги гьалмагъзабиги нухда лъун руго.
--------
Гьалмагъзабаз байбихьун буго г1ажаиблъи гьабизе, кидаго гьасухъ гьадинаб караматлъиги бук1инч1ин, муг1жизатги т1атинч1ин, киндай гьасда кинабго лъараб абун.
Тамирбутайица жаваб кьун буго, щаг1ил булбут1и гьабихъ бук1ин лъазе заг1матаб жо гуро. Гьабихъ ц1ияб бурбут1и лъоларо лъицаниги, гьенир тола бул бекарал, басриял жал. Гьединлъидал щаклъухъего ах1ун бук1анин.
Ц1огь к1игояс гьаби жинда лъанин рукъалъул къеда бахъараб карат1 бук1ун т1адег1ан, гьениве цо чи щоларо, батани цояс кумекги гьабун цожойгияв вахъинавизе ккола дове т1аде. Цояб лъимер бук1ин лъанин к1арт1ул гьит1инлъиялъухъ балагьун. К1удияв чи жанисан уневг1адаб карат1 бук1инч1ин.
Гьесул рас баг1араб бук1ин щибха дуда лъарабин ц1ехедал, Тамирбутайица абун буго, я гьудулзаби, гьел ц1огьал киналго рук1уна гьел кар баг1арал жалин.)))

Категория: Мои статьи | Добавил: weux (19.04.2016)
Просмотров: 105 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Балагьизе

Ахмедова Аксират © 2017