Воскресенье/Гьат1ан, 24.09.2017, 16:59
Ассалам Г1алайкум Гость | RSS

САйт учителя аварского языка Аксират Ахмедовой

Сайталда руго:

Киналниги сайталда руго: 1
Гьобол: 1
Сайталъул г1ахьалчи: 0
Block title

Каталог статей

Главная » Статьи » Мои статьи

Г1абдалзабазда гъорлъе ккедал г1акъиласги г1адалаб ххвел гьабизе ккола. (с) Гъ. Гъалбац1ов.

Г1абдалзабазда гъорлъе ккедал г1акъиласги г1адалаб ххвел гьабизе ккола. (с) Гъ. Гъалбац1ов.

Дун вук1ана цо нухъалъ к1удияв х1акимлъун вищун жамаг1аталъ. Дида рак1алде бук1ана дица дунялго т1егьазабилин гьанже. Г1емер кумек гьабилин жамаг1аталъе. 
Дица ч1езабуна цо къо, дихъе жамаг1ат бач1унеб, ЖАМАГ!АТАЛЪЕ х1ажалъаралъул бицине. Ракьг1ан г1емераб г1арац буго, ресал руго, гьаре дида щиб бокьаниги росдаего, районалъего, республикаялъего пайда будел жал. Валлагь гьабила нилъеца эл цинги, гьаб дирго чантинисаги кьела г1арац, бюджеталда бугеб г1еч1они. Дир девиз "Все для народа! Все ради народа!"
Т1аде щвана гьеб къо. Рач1ана жамаг1ат.
Цин Г1али виччана жаниве, гьас гьарулеб буго 10 метра сетка-куналъул х1ажат бугила, Г1умарил бачал жиндир хурире инч1ого рук1ине. Г1али, бегьуларищ гьеб раци заз бан, г1урдул рухьун гьабизе, цинги сетка босизе кьолеб г1арац цоги росдаего пайдаялъе х1алт1изабизе? Гьеб данде ккеч1о Г1алие. Ана кьун сетка босе г1арац.
Г1умар вач1ана 100 метра шлангалъул х1ажат бугила, жиндирго рокъобе гох1даса лъим бачине. Г1умар, бегьуларищ гьеб дурго рокъобе гуреб, росулъего бачине? Киназего пайда-хайир бук1ине? Гьеб рек1ее г1еч1о Г1умарие. Ана кьун шланг босе г1арац.
Гьедин нахъса къот1ич1ого рач1унел чиги руго, гьарулебги буго цо г1иси-бикъинаб базар, щивас женулго мурад, жамаг1аталъего пайда щвелелда т1ад ургъулев чиго гьеч1о.
Дида рак1алда бук1ана хут1араб г1арцухъниги гьаб Мах1ачхъалаялда жанир ругел нухал асфальт т1ун къач1азе.
Гьелъие нухмалъизе восана х1алт1уде дирго вацг1ал. Х1алт1ухъанлъунги восана дирго мадугьал.
Чидар чиги гурелъул гьезда боржел гьабизе бегьилин вук1ана.
К1иябго нажасалъ бикъун лъуг1ун батана кинабго бюджет. Я гьудул, туснахъалдайищ ралел дирго чи? Цоги г1агарлъиялъ щибин абилеб дида? Дарман ваг1араб бак1алде ккана дун. Гьасдани боржел гьабизе бегьулин т1амурав ватула т1уванго кутакав ц1огьор. Гьеч1о я х1алт1улел, я х1алт1изе махщел бугел, я ях1-намус бугев чи хут1ун гьаб дир х1укуматалда.
Дирго г1агарал- божаразул чури бахчизе, дицаги бикъизе ккезехин буго. Г1абдалзабазда гъорлъе ккедал г1акъиласги г1адалаб ххвел гьабизе ккола.
Цо дир к1алъалдасан к1иго маг1на бич1ч1улев,
К1ал пасих1ав чиясе чан жавгьар дица тараб...

Мунагьал чураяв дирго рек1ел гьудул Рамазан рак1алде щвеялъе хъвараб...
-------------------------
Цоги бот1ролъе бач1араб г1адалаб пикру:
Гьедин кколеб батич1ониян ккола дида Рамазанилги цадахъго муфтиясулги иш. Жалго рихьизеги квешал г1адал чиги гьеч1о. Амма жидецаго сверун бак1арараб х1ут1-х1апароялъ цин жидедаго х1анч1улеб буго. Нахъзаманаялъул пашманаб х1акъикъаталде балагьидал гьезда хадур х1акимлъун рач1унелги жеги пайда гьеч1ел рук1ине руго.
Кодоса газа-бел камиго гьеч1о, гьадиг1ан талих1 къараб халкъги доб хъуру-хъара кколеб буго)).
Гьеб кинабго хисизабизе к1велаан, гьагъаб сетка кье, шлангал кье бачунеб халкъ лъуг1ани. Жамг1ияб бербалагьи, ай гражданская сознательность халкъалъул бук1арабани. Щивас жинде- жинде гуреб, киназего пайда кколелъул ургъел гьабини. Амма, дир заманаялда дида гьеб бихьилин кколаро. Нуж дагьал г1олохъанал ругелъул нужеда бихьизеги бегьулаха))...

Категория: Мои статьи | Добавил: weux (19.04.2016)
Просмотров: 92 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Балагьизе

Ахмедова Аксират © 2017