Воскресенье/Гьат1ан, 24.09.2017, 17:10
Ассалам Г1алайкум Гость | RSS

САйт учителя аварского языка Аксират Ахмедовой

Сайталда руго:

Киналниги сайталда руго: 1
Гьобол: 1
Сайталъул г1ахьалчи: 0
Block title

Каталог статей

Главная » Статьи » Мои статьи

Жагьиллъи

Жагьиллъи.

Астагъфируллагь абураб раг1иялдаса байбихьила. Щайгурелъул азарго мунагь гьабуна дицаго диего. Г1адамазде бахъараб ццидацаги, абураб раг1иялъги, гьабулеб пикруялъги.
1 пикру.
Дун вук1ана ах1ун цо пуланаб рак1ариялде. Ругоха рак1арун т1ад балагьун ц1одорал чаг1иян кколеб халкъ. Т1аде щварабго дун цеве вахъайила к1алъай гьабизеян абуна. Дун вахъана. Бокьухъе ц1одораб(г1инт1амараз бицухъе) к1алъайги гьабуна. Щиб бицарабали бицинаро, рач1ине рук1ун руго нужги. Азарго раг1и абуна дица гьениб, цоялдаса цояб бит1араб. Амма азарго раг1иялда гъорлъ борч1ун батана цо раг1и, т1екъабин абизе т1екъабги гуреб, ц1акъго бокьарасда жиндилъ бат1ияб маг1наги балагьизе к1олеб тайпаялъул. Щибаб раг1и бук1ана дир г1абдаласдацин бит1ун бич1ч1иледухъ абураб, гьеб цо ун батанаха жинда бугеб г1акълуялда рекъон г1адамазда бич1ч1улеб г1адаб.
Сон гьабураб гьеб камилаб цевехъиналда щиб дос бицараб абун цояс гьикъидал, цо х1алч1ахъадица бицун батана г1иц1го гьадаб бокьурасда бокьухъе бич1ч1улеб раг1и. Хут1араб 999 раг1и гьасда раг1унцин батич1о.

2 пикру.
Аллагьас ц1унеги г1акълу гьеч1еб бак1алде г1елму бач1ине. Гьелъул х1акъалъулъ дица цебелъги т1убараб т1ехь г1адаб макъала хъван бук1ана, гьебго жо нахъойги хъванин щибго хисиларо. Амма гьеб г1акълу гьеч1еб бак1алде г1елму т1унани, хасго исламияб, огьо-гьой гьел чаг1азул лъугьуна жибго "зомбиял", фанатизмалде буссуна гьезул киналго. Цинги г1уц1ула гьел зомби-фанатиказ армияби. Г1иял рехъен кинниги цояс "баг1" абидал , хадуб хут1араб армиялъги "баг1" такрар гьабула. Цояб зиян-заралалде хурибе к1анц1ани, хут1араб рехъенги баг1 бачунаго хадур к1анц1ула. Жидедаса бат1ияв , ай баг1илан абуларев, чи гьазда данде ккани... Чудказ балкан кваналеб куц бихьанищ? Батани нужеда бич1ч1ун батила.
Щивав г1адан вук1уна бат1и-бат1ияв. Пикрабиги рук1уна кинасулго бат1и-бат1иял. Диргун пикру данде ккеч1огоян дица г1адамал ч1вазейищха кколел? Гьел зомби-фанатиказда гьедин кколеб буго рак1алде. Исламалъеги гьезул дида зарал гуреб бат1ияб жо бихьуларо. Гьез бицунел г1адалал жал, жидеего бицунг1аги толебаниха, раг1ула киназдаго. Цо-цо чи цинги, исламалдаса гуро, жамаг1аталдаса дагьав довег1ан ц1ан ч1ола. Гьединалги лъала г1емерал. Гьал зомби-фанатикал ч1ван мунагь бук1унадай? Щибго рак1 гурх1ич1ого дица байбихьилаан гьал ч1аразе. Цинги дида хадур рилълъунезулги гьезулго г1адаб армия г1елаан.

3 пикру.
"Г1адамас живго лъелъ гъанкъун хвезеян ният гьабуни, гьесие кумек гьабизе лъиданиги к1оларо" (с) В.В Путин.

Категория: Мои статьи | Добавил: weux (19.04.2016)
Просмотров: 79 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Балагьизе

Ахмедова Аксират © 2017