Рузман/Пятница, 24.11.2017, 13:48
Ассалам Г1алайкум Гость | RSS

САйт учителя аварского языка Аксират Ахмедовой

Сайталда руго:

Киналниги сайталда руго: 1
Гьобол: 1
Сайталъул г1ахьалчи: 0
Block title

Каталог статей

Главная » Статьи » Мои статьи

Кlкlуяда росдал тарих. 35 гьумер. 1925 сон.

Кlкlуяда росдал тарих.
35 гьумер.
1925 сон.
Зангал Гlалилги Хъара Хъараевасулги гаргар букlана таржамачисядасан(переводчик). Хъараевасда магlарул мацlалда цо-цо рагlаби ричlчlулел ругоан, амма лъикl лъалеб гьечlоан. Г1алида гlурус мацl лъалеб букlинчlо, магlарулги гlарабги гурони. Гьединлъидал Хъараевас таржамачи тlалаб гьавун вукlана.
Хъараевас Гlали хlурматалда къабул гьавуна. Жамагlат росулъе нахъ бусине ихтияр кьуна. Амма Хъараевас тlалаб гьабулеб букlана гьадинаб шартl, Кlкlуяда росдал жамагlаталъ мактаб (школа) базе, ва жагьиллъи халкъалъухъа тlагlиналъул мурадалда гьениб гlелму малълъизе.
Цо пуланав чиясул рокъоб гьабун букlанин абула школа. Ва киналго лъимал гьенире хьвадизе гьарулел рукlанин. Гьенир кьолел дарсалги, хъвай-хъвагlай гуребги, основы коммунизма абураб дарсги кьезе тlадаблъун гьабун букlун буго. 
---------------------------------------------------------------------

Гьалда рекъон, росулъе гlадамал нахъ руссиналъул аслияб шартlлъун букlана школа бай, ва гlелму малълъи. Росуги школаги буго цоцада бухьараб росдал тарихалъго. Гьал хlакимзабаз бицунеб бугеб бюджеталда гlарац гlезе классал къазе кколин школазда, ялъуни жалго школал къазе кколин. Бицунезда бичlчlизе ккола дагьабниги, кинаб бакl бугеб Кlкlуяда росуяли.

Лъабго школа буго росулъ. Дица 9 класс Агъада лъугlана (доб мехалда Гlуралаги Агъадаги ll класс букlинчlо, ичlго гурони, ll класс букlана Кьогъоб школалда) ва l0 классалде ана Кьогъове. Вахъине кколаан радал 6- ялда. Макьу гlолароан, ругьунлъун вукlана нухда унелъув кьижизе. Цин цояб бер кьижулаан, цояб нухде балагьун, хадуб цоябаб. Гьедин школалъул рагьдухъе щолеб мехалда макьуги гlураб хlисаб кколаан. 
Киллометрагун бащдалъ гьениве вилълъине ккараб мехалде, школалде щвезеялъе, радал квараб кваница кколароан, цlидасан вакъулаан. Лъимал хехго ракъулел жал рукlунелъул. Цинги дарсил букlунароан пикру, кваназе ине кидадай щвелаян букlунаан. Доб заманги букlана гlелмуялъул къимат бугеб заман. Гьанже гьелъул гlемер къимат гьабулел чиги гьечlо, жалго хlакимзабаздасан байбихьун. Гьанже лъималаз доб заманалда нижеца гlадин къоцlаларо. 
Гьединги росулъ дагьал хутlарал чи, хутlаралги шагьаралде къокъуна.
Дида лъалел гlемерисел чи руго, умумул, лъималаз школа лъугlарабго лъарагlлъиялде гочинеян бицунел. Гьезие бокьулеб гьечlо шагьаралда школазде лъимал ритlизе. Гьениб «квешал» лъималгун бухьен ккеларо, наркотикал, гьекъолел, цlалел ва цогидабги хlажат гьечlеб жоялде ругьунлъиларо. Ясазул умумузе гьел щай бокьулареб шагьаралъул школазде ритlизеяли бицине ккеларин ккола, нужедаго бичlчlулеб батила. 
Магlарулал росулъе гочине кколин ахlдолел цоял, росулъа шагьаралде гьел гочинаризе хlаракат бахъулел цогидал…
-------------
Кlкlуяда росу буго тахшагьаралдасацин кlудияб(гьелъ ккураб ракьалъухъ, ай манзилалъул х1исаб гьабун), 77 кули Кьили-мегlералдаса Гъуниб-мегlералде щвезегlан. 3000 цlараки буго росулъ. Амма гlемерисел минаби чlорого хутlун руго. Росулъа шагьаралде ун гурого, шагьаралдаса росулъе чи вуссунев гьечlо.
Гьеб росу гьениб хутlиялъулги аслияб шартl буго, росулъ ругел школал. Лъабго школаялъул цоябгlаги къани, цогидалдаса лъимал, чаналиго километра тун, цогидалде хьвадуларо. Гьеб захlмат гьанже заманалъул гlадамаз цlаларо.
Мугlрузул сонилан исана соналда цlар лъеялъул магlна дида бичlчlичlо. 
Гьеб кколеб мугlруздаса чи лъугlизабулеб сонилан абулеб жойищ? Ялъуни магlарухълъи цlунизеян абулеб жойищ? Хlакимзабаз бицунелъулги гьабулелъулги хlисаб гьабидал, росабалъа чи лъугlизарулеб сон батичlониха гьаб.

Категория: Мои статьи | Добавил: weux (01.05.2016)
Просмотров: 117 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Балагьизе

Ахмедова Аксират © 2017