Воскресенье/Гьат1ан, 24.09.2017, 17:09
Ассалам Г1алайкум Гость | RSS

САйт учителя аварского языка Аксират Ахмедовой

Сайталда руго:

Киналниги сайталда руго: 1
Гьобол: 1
Сайталъул г1ахьалчи: 0
Block title

Каталог статей

Главная » Статьи » Мои статьи

Дица "Кандидат наук" абураб ц1ар диего балагьараб куц.

Дица "Кандидат наук" абураб ц1ар диего балагьараб куц.

Цо г1елмияб ц1ар гьеч1ого рекъон гьеч1ила мунилан к1алъан вач1ана Х1асанбеков Шамил рогьалил г1ужалъ. К1иго нухъалъ Х1асанх1усеновасцин "гений" вугин нуг1лъи гьабурав дудаса гьелъие мустах1икъав щивила вугев.
Дунги гьеч1ищха "За любой кипиш, кроме голодовки" абураб къануналда рекъон г1умру гьабулев чи, Авантюристиланги абула цо-цояз гьадинал чиязда. Кваналел ратаралъул кванала. Рагъулел раталъул вагъула, х1алт1улел ратаралъуб х1алт1ула. Гьекъолел ратаралъул.... гьекъолеб бак1алде ах1уларо дун гьаз, ах1аравани гьебги бажарулаан дихъаса.
Сапар бухьана тахшагьаралде г1елмияб ц1аралда нахъ.
Цин гьединал ц1арал щваразда гаргардана, щиб гьабизе кколеб кандидат вахъинеян.
Г1елмияб ц1ар щолеб раг1ула, унгоги цо сунда бук1аниги т1адч1ун, гьелда т1ад х1алт1и гьабун гуроха. Гьасул цо пикру босун, цогидасул цогидаб босун, цо х1алт1уда жанире гьел киналго чияр рикъарал пикраби данде гьарун. Жиндирго пикру бат1аго х1ажатго раг1уларо кандидат вахъине. Х1ажалъулеб буго ц1огьоди, чияр пикраби рикъизе лъай, ва дагьал шагьи-кепкал.
Лъазабуна росдада, росулъе газ бачине г1арац бак1ареян. Бак1арана. Пакетал ц1ун гьеб г1арацги босун Назимги вач1ана (бащадаб жиндиего тун батила гьениса х1алихьатица). Гьебги босун дун гьанжеги шагьаралде. Щвана ДНЦ РАНалъул рагьдухъ. Дица чидар рикъарал пикраби хъвараб х1алт1иги кьуна гьенибе, г1арцул ц1урал пакеталги кьуна. Хадубги дида нахъ гьенивего цо-к1игойгиявги ц1азе раг1иги кьуна. 
Гьа, гьале гьанже дун кандидат наук ккана.
Дунни г1абдал вук1ана, мисалалъе босани Мах1мудил х1акъалъулъ диссертация хъвазе ккани, цин Хъах1абросулъег1аги щвезе кколин. Ялъуни тарихияб х1алт1и гьабизе ккани, архивал тирун гьелда т1асан материал балагьизе ккелин. 
Х1ажатго бук1ун гьеч1о! Чидар пикрабиги х1алт1абиги рикъизе лъани г1олеб бук1ун руго...
Гьединлъидал дицаги зарал бук1инарин цоги ц1арги балагьун тана "Заслуженный мучитель РФ" ян абурабги.
Вассалам Г1абдусалам...

Категория: Мои статьи | Добавил: weux (01.05.2016)
Просмотров: 113 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Балагьизе

Ахмедова Аксират © 2017