Хамиз/Четверг, 23.11.2017, 06:53
Ассалам Г1алайкум Гость | RSS

САйт учителя аварского языка Аксират Ахмедовой

Сайталда руго:

Киналниги сайталда руго: 1
Гьобол: 1
Сайталъул г1ахьалчи: 0
Block title

Каталог статей

Главная » Статьи » Мои статьи

Гъалбац1ов рак1алде щвей

Гъалбац1ов рак1алде щвей Гъизилюрталъул администрациялда

2015 сон   президентас   Адабияталъул  сонлъун ч1езабуралдаса Гъизилюрт шагьаралъул   лъай кьеялъул нухмалъулез  къалмиде  росун рук1ана адабияталда  хурхун гьаризе ругел тадбирал. Гьезда гьоркьор т1оцебесеб мухъдаго г1адин бук1ана гьаб жакъасеб данделъиги                                            :хъвадарухъан, культураялъул мустах1икъав х1алт1ухъан  , ц1акъ хехго нилъедаса ват1алъарав маг1арулав Гъазимух1амад Гъалбац1ов рак1алде щвеялъул тадбир.

Гъазимух1амад вук1ана  жакъасеб маг1арулазда мац1 к1очонеб, муг1рузул г1адат- г1амал г1ун бач1унеб г1елалъ г1одоб  реххулеб  бугеб заманалда нилъее мац1ги ц1арги ц1унизелъун  бахъараб хвалчен г1адав  чи. Маг1на гъваридал , гьелдаго цадахъ гьурмаде гьими рещт1инабулел  гьесул харбалги къисабиги ц1алдолезе к1удияб асар гьабулелъун руго.

Жакъа рак1 боххун буго залалда г1одор ч1арал маг1арулазухъ балагьун: Баху Мух1идинова,Тубх1ат Зургьалова ва Залму Батирова гьел щалали маг1арулазда  бицине ккеларо .  Дида ккола   гьесул бищун лъик1аллъун рук1арал гьудулзаби ратилин нижехъе рач1ун.

Гьединго гьаниб буго гьесул г1агарлъи: яцал Шамай ва Мухлисат, хъизан Разият. Бокьун буго Разиятие гьаризе щулияб сахлъи, гьесул лъимал г1езарулей йигей, лъималаздаса йоххаги, халатаб г1умру кьеги.

 Лъик1ав чиясул хведал ц1ар хехго бахъулилан абула.Жеги абизе бокьун буго Гъазимух1амадил ц1ар лъаг1ел данде сверилалде бахъанин. Гьесул яцалъул вас Камалудиний гьавурав васасда ах1ана гьеб ц1ар!!! Ракьалдае рохеллъун , халатаб г1умругун вач1арав ватаги гьев.

Кинабго тадбир г1уц1арай, гьеб нухда бачарай Саратие баркала, анкьабилеб школалъул ц1алдохъабазе баркала, имг1аласул ц1аралдаса ч1ух1арав Камалудиний баркала…..

Категория: Мои статьи | Добавил: weux (18.02.2016)
Просмотров: 140 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Балагьизе

Ахмедова Аксират © 2017